Një martesë fiktive ndryshe quhet "martesë e favorshme", e cila ndonjëherë shkakton dënim moral të shoqërisë. Një martesë e tillë ndryshon nga ajo e zakonshme, ku vullneti i palëve ose i njërës prej tyre synon si në marrjen e disa avantazheve që lidhen me gjendjen e martesës, ashtu edhe në vendosjen e të drejtave dhe detyrimeve të bashkëshortëve. Në martesën fiktive situata është e kundërta e martesës civile, ku de jure lidhja legalizohet, por de facto nuk ka familje si e tillë. Nuk ka marrëdhënie normale martesore, nuk ka dy njerëz që duan të krijojnë dhe të jetojnë si bashkëshortë. Kryesisht kjo lloj marrëdhënie krijohet në shoqërinë tonë për qëllim përfitimi dokumentacioni, ndryshim mbiemri etj.
Për shembull, nëse bashkëshorti është 70 vjeç, dhe gruaja është 25 vjeç dhe menjëherë pas martesës, i porsamartuari vdes, duke i lënë asaj të gjithë pasurinë që i përkiste me testament, atëherë një mospërputhje e qartë në moshë dhe një paaftësi e dukshme për bashkëjetesë martesore, ateherë gjykata do të konstatojë martesën të pavlefshme për shkak të fiktivitetit. Një martesë mund të njihet si fiktive vetëm nëse bashkëshortët ose njëri prej tyre jo vetëm që nuk kanë pasur qëllim të krijojë familje në momentin e regjistrimit të martesës, por në fakt nuk kanë hyrë në një marrëdhënie karakteristike për bashkëshortët.
Nëse të dy bashkëshortët kanë ditur për martesën fiktive, gjykata nuk do ta pranojë çështjen për procedim. Nëse një bashkëshort i tillë fillon të kërkojë ndarjen e banesës, atëherë bashkëshorti i dytë nuk do të ketë të drejtë të kërkojë njohjen e martesës si të pavlefshme, pasi ai ka ditur për martesën fiktive edhe para lidhjes së saj. Por nëse njëri prej këtyre bashkëshortëve deklaron se po llogariste në krijimin e një familjeje dhe martesa doli të ishte fiktive pa fajin e tij, atëherë deklarata e kërkesës do të pranohet për shqyrtim.
Një fakt i cili përbën gjithashtu rëndësi është se kur një martesë konsiderohet e pavlefshme nga gjykata për shkak të fiktivitetit të saj palët në përfundim të procesit do të figurojnë në zyrat e gjendjes civile me status beqar dhe jo të divorcuar sic ndodh në rastet e zgjidhjes së martesës në mënyrë të zakonshme.
Comments